Үш адам көз жұмған жол апаты: автобус ішінде не болды?

Оқиға 22 желтоқсан күні кешке Райымбек даңғылында, 7-қалалық аурухана маңында болған. Бейнетіркеуішке жазылған видеодан № 47 автобустағы бір жолаушы жүргізуші әйелмен жанжалдасып қалғанын көруге болады. Дауға не себеп болғаны белгісіз, жолаушы түсетін аялдамасынан өтіп кеткен немесе жолақысын төлемеген деген болжам бар. Ол жүргізушіні екі рет ұрған, соққыдан әйел есінен танып қалыпты.

Басқарусыз қалған автобус жолдың оң жағына қарай жылжып, жолақта тұрған бірнеше адам мен машинаны соққан. Ауыр техниканы жолаушылардың бірі тоқтатты.

Жедел жәрдем келгенше үш адам оқиға орнында көз жұмды. Жол апатынан жалпы жеті адам зардап шекті, оның бірі 15 жастағы жасөспірім. Миы шайқалған 36 жастағы жүргізуші ауруханада жатыр.

1 / 6

• 
• 
• 
• 
• 
• 

1 / 6

Жол апатына кінәлі адам ұсталды. Автобус жүргізушісін ұрған ер адам Қылмыстық кодекстің 293-бабы (бұзақылық) және 351-бабы (көлiк құралын пайдалану қауiпсiздiгi қағидасын бұзып, екi немесе одан да көп адамның өлiмiне себеп болған әрекет) бойынша жауап береді.

Ол 8 жылға дейін бас бостандығынан айырылуы мүмкін.