pogruzchik-main

Түркістанда полиция жүк тиегіштің артынан қуды

Мас жүргізушіні көліктен күштеп шығаруға тура келді.

Оқиға 5 қыркүйекте С.Ерубаев көшесінде болды. Полицейлерге жүк тиегіш машинаның көшеде жол ережесін елемей келе жатқаны хабарланған. Экипаж оқиға орнына келіп, ауыр техниканы тоқтатпақ болады, алайда рөлдегі азамат талапқа бағынбай, қашуға ұмтылған. Оны бірнеше патрульдік көлік қуалады.

«Тәртіп сақшылары қашып кетпек болған машинаны тоқтатып, жүргізушіні көліктен күшпен шығарды. Ереже бұзған азаматтың жергілікті тұрғын екені анықталды. Оның атына Әкімшілік кодекстің бес бабы бойынша хаттама толтырылды. Атап айтқанда, ҚР ӘҚБК 595-бабы (маневр жасау ережесін бұзу), ҚР ӘҚБК 606-бабы (қауіпті жағдай тудыру), ҚР ӘҚБК 599-бабы (бағдаршамның тыйым салынған түсіне өту), ҚР ӘҚБК 613-бабы (заңды талапқа бағынбау) және ҚР ӘҚБК 608-бабына (мас болып рөлге отыру) сай жауапқа тартылады», — деп хабарлады Түркістан облысы ПД баспасөз қызметі.

Ереже бұзған азамат 7 жылға жүргізуші куәлігінен айырылып, қомақты айыппұл төлейді.

Комментариев: 0

Чтобы оставить комментарий, вам необходимо зарегистрироваться или авторизоваться.