Жол апаты 3 мамырда Саин көшесіндегі «Домиллион» сауда орталығының жанында болған. Ұсақ тас тиеп алған ЗИЛ жүк көлігі Toyota Land Cruiser 100-бен соқтығысқан соң аударылып қалды.
Полиция апаттан ЗИЛ жүргізушісінің жеңіл жарақат алғанын мәлімдеді. Ол емханаға жатудан бас тартқан. Ал «тойота» тізгініндегі азаматтың оқиға кезінде мас болғаны белгілі болды.
Арада бірнеше күн өткен соң желіде жол апаты болған сәттің видеосы тарады. Одан Land Cruiser 100-дің жолдың оң жағымен едәуір жылдам жүріп келе жатқаны көрінеді. Бір кезде жүргізуші рөлге ие бола алмай қалып, алдымен жол шетіндегі жиектасқа, артынша сол жағында келе жатқан жүк көлігіне соғылады.
Комментариев: 0