Маскүнем жүргізуші — отбасының соры!

Атырауда ішімдікке сылқия тойып алған ер адам әйелінің жалынғанына қарамастан көлік жүргізіп, дүкенге соғылды.

Наурыздың 28-інен 29-ына қараған түні жол апатына түскен көліктің ішінде балалар болған.

«Toyota Hiace көлігін тізгіндеген жүргізуші Азаттық көшесімен қозғалған. Дәл сол бағытта онымен Nissan Maxima қатарласып келе жатады. Әуезов пен Азаттық көшелерінің қиылысындағы айналмаға жеткен сәтте рөлге ие бола алмай қалған Toyota Hiace жүргізушісі Nissan Maxima-ны қағып, соққыдан көкөніс сататын дүкенге соғылады. 1986 жылғы көлік жүргізушісі сол сәтте мас болған», — деп мәлімдеді Атырау облыстық Полиция департаментінің баспасөз хатшысы Назымгүл Қайсағалиева.

Жүргізушіден бөлек көлікте оның жұбайы мен 2012 және 2015 жылғы балалары болыпты. Бүлдіршіндердің бірі ауруханаға жеткізілген. Оның жағдайы туралы әзірге еш ақпарат берілген жоқ.