Жақында Павлодарда ерекше оқиға болды. Chery Tiggo 7 иесі масаң күйде көлігін тұраққа қойғаны үшін 8 жылға куәлігінен айырылып, 15 тәулікке қамалды.
Бәрі орынды сияқты көрінуі мүмкін. Бірақ мәселенің басқа қыры бар. Кроссовер иесі өзі алкоголь ішкендіктен, ақылы сау жүргізуші шақырған, ол клиентті белгіленген мекенжайға жеткізгенімен, машинаны соғып алармын деген желеумен тұраққа қоюдан бас тартады. Сөйтіп «сау жүргізуші» қызметіне жүгінген азамат көлігін өзі қоюға мәжбүр болған. Әлеуметтік желіде тараған видеодан дәл сол сәтте полицейлер жетіп келгені байқалады. Кей желі қолданушысы бұл жағдай тым күмәнді деп жазды.
Tengri Auto басылымына ПД өкілдері оқиға 18 мамырда тіркелгенін хабарлады. Олардың айтуынша полицейлер машинасын ұзақ уақыт тұраққа қоя алмай жатқан күмәнді жүргізушіні байқапты, ал видео мас жүргізуші рөлге отырған сәтте экипаж бірден жеткендей етіп өңделген. Бірақ шын мәнінде полиция қызметкерлері көлікті біраз уақыт (нақты қанша уақыт екенін айтқан жоқ) бақылап тұрыпты.
Баспасөз қызметі Chery жүргізушісі медициналық тексерістен өтуден бас тартқанын, бұл да жүргізуші куәлігінен айыруға негіз болғанын атап өтті.
Комментариев: 0