Биыл Токио автосалоны аясында Toyota 4 цилиндрлі турбомоторлардың жаңа буынын әзірлеп жатқанын еске салды. 2 литрлік агрегатты Gazoo Racing бөлімшесінің мамандары жасап, орта моторлы GR Yaris M Concept хетчбэгіне орнатқан. Toyota мұнымен MR2 моделін қайта жандандырады деген сөз.
Компания Yaris прототипінің техникалық сипаттамасы туралы толық ақпарат бермегенімен, хетч толық жетекті болатыны белгілі. Оны әзірлеудегі мақсат — Super Taikyu жарыс сериясына қатысу.
Motor1 брендтің бас техникалық директоры Хироки Накадзиманың айтуынша, жаңа агрегаттардың топтамасы ойын ережесін өзгертеді, өйткені олардың мүмкіндіктері көп деп жазды. Бастапқыда 1.5 және 2.0 литрлік турбомоторлар гибрид модельдер үшін жасалғанына қарамастан, оларды электрлі қондырмасы жоқ қарапайым көлікке де қолдануға болады. Моторды көлденең де, ұзыннан да орнатуға мүмкіндік бар, бұл инженерлердің жұмысын жеңілдетеді.
Накадзима Car Watch басылымына берген сұхбатында 2 литрлік мотор қарапайым модельде шамамен 300 ат күшін және 400 Нм момент беретінін және қуатын 400 ат күшіне (500 Нм) дейін арттыруға болатынын растады. Ал экстремал модификацияның қуаты 600 ат күшінен асуы мүмкін.
Комментариев: 0