TRD Pro бастырығындағы машинаның фотосуреті Some people don’t know how to keep a secret (Кейбіреулер құпия сақтауды білмейді) деген жазбамен жарияланды. Дегенмен компания жаздың соңында өтетін тұсаукесерге дейін кішкене интрига сақтау үшін жаңа өнім туралы еш ақпарат берген жоқ. Бірақ Tundra-ның ені ұзарғаны анық. Оны АҚШ-та шанағының ені 80 дюймнен (2032 мм) асатын көліктер үшін міндетті алдыңғы дөңгелек аркасының шетіндегі қызғылт сары белгіден байқауға болады.
Бейресми ақпаратқа сенсек, үшінші буындағы «Тундра» Land Cruiser 300 секілді GA-F шассиіне негізделген. Соған сай пикапқа V6 iForce iMax бензинді турбомоторы орнатылды. Ал бұрынғы 6 сатылы автоматтың орнын жаңа 10 сатылы қорап алмастырады.
2021 жыл Toyota-ның үлкен жол талғамайтын көліктері үшін маңызды жыл болғалы тұр. Өйткені жақында TLC 300 жарық көрді, алда Tundra таныстырылады, содан кейін 2008 жылдан бері шығарылып келе жатқан Sequoia моделінің буыны алмасады деп жоспарланған. Алайда «Тундра» да, «Секвойя» да тек Солтүстік Америка нарығына арналған машиналар.
Комментариев: 0