Автоөндіруші Toyota Tundra-ның кабинасын көрсеткен соң оның ішкі құрылымына қатысты аз-кем ақпарат берді. Баспасөз қызметі жариялаған қысқа видеодан бетінде бізге таныс мөртаңбасы бар мотор қақпағын көруге болады. Сонымен қатар қозғалтқыштың iForce Max деп аталатыны белгілі болды.
Басқаша айтқанда, 387 ат күшіне ие 5.7 литрлік V8-дің орнын 415 ат күші мен 600 Нм айналу моментін беретін 3.5 литрлік V6 басады. Дәл осындай мотор жақында көрсетілген су жаңа TLC 300-ге орнатылған.
Жуырда жұрт назарына ұсынылатын үшінші буындағы Tundra төртінші тоқсанда сатыла бастайды. Жаңа машина да алдыңғы буын өкілдері сияқты Солтүстік Америкада саудаланады. Бұл нарықта ол Ford F-150, Chevy Silverado және Ram 1500-ге бәсекелес болады.
Комментариев: 0