Соңғы рет Toyota «Жапонияның жыл көлігі» (JCOTY) байқауында осыдан 10 жыл бұрын жеңіске жеткен еді, ол кезде бұл атаққа Toyota Prius гибриді лайық деп танылған. Енді, міне, жаңа буындағы Toyota RAV4 компанияның тағы көш бастауына көмек берді.
Құрамында 69 жапондық БАҚ өкілі бар төрешілер тобы кроссовердің аса жоғары деңгейдегі жайлылығын, жақсы әрі жеңіл басқарылатындығын және жүксалғышының сыйымдылығын жоғары бағалады. Төрешілер толық жетек жүйесінің үш түрі: дәстүрлі Dynamic Torque Control AWD, артқы дөңгелектердегі екі муфтадан тұратын схема және артқы осінде электрлі моторы бар гибридті жүйелердің бірін таңдау мүмкіндігін ерекше атап өтті.
Қосымша номинацияларда үздік шетелдік автокөлік ретінде 3-сериялы BMW, ең әсершіл темір тұлпар ретінде Jeep Wrangler аталса, пилотсыз Nissan Skyline инновация үшін марапатталды, ал Nissan Dayz бен Mitsubishi eK ең үздік кей-карлар атанды. Үміткер ретінде жапон нарығына 2018 жылдың 1 қарашасынан 2019 жылдың 31 қазанына дейінгі аралықта шыққан 35 жаңа автокөлік тіркелген болатын.
Комментариев: 0