Автокөлік жайлы ақпарат тарататын 50 журналистен құралған қазылар алқасы North American Car, Utility and Truck of the Year (NACTOY) сайысында ең үздік жеңіл көлік, кроссовер және пикапты анықтады. Бұл жолы Genesis G80, Hyundai Elantra, Nissan Sentra, Ford F-150, Jeep Gladiator Mojave, Ram 1500 TRX, Ford Mustang Mach-E, Genesis GV80 және Land Rover Defender модельдері финалға шығып, өзара сынға түсті.
Төрелік еткен тілшілер Hyundai Elantra-ның жетінші буынын үздік седан деп таныды. Бұл машина біздің елге 2019 жылдың аяғында жеткен.
Пикаптар арасында АҚШ-та ең көп сатылатын Ford F-150 топ жарды. Ал үздік кроссовер атанған электрлі Ford Mustang Mach-E көлігін сарапшылар Tesla Model Y-дың осы нарықтағы мықты бәсекелестерінің бірі деп атады.
