Наурыз айының басында European car of the Year (ECOTY) халықаралық конкурсының қорытындысы жарияланған еді. Көп өтпей «Үздік әйелдер көлігі — 2021» (WWCOTY) байқауы аяқталды. Жеңімпазды әлемнің 38 елінен келген елу автомобиль журналисі анықтады. Таңдау жасаған тілшілердің барлығы әйелдер.
Бұл сында 2019 жылы Франкфурт автосалонында таныстырылған Land Rover Defender жеңімпаз атанды. Сонымен қатар бұл модель «Үздік орта көлемді SUV» марапатын иеленді.
Women’s World Car of the Year президентінің айтуынша, жаңа Defender Амазония ормандары мен шөл даланы кесіп өтуге болатын көлік қана емес. Қайта саяхаттауға ыңғайлы, сәнді седан секілді жайлы машина.
WWCOTY ұйымдастырушылары Land Rover Defender-ден бөлек тағы сегіз көлікті марапаттады:
- Peugeot 208 — үздік қалалық автомобиль;
- Škoda Octavia — үздік отбасылық автомобиль;
- Lexus LC 500 Cabrio — үздік премиум-автомобиль;
- Ferrari F8 Spider — үздік спорттық автомобиль;
- Peugeot 2008 — үздік қалалық жол талғамайтын көлік;
- Kia Sorento — үздік ірі жол талғамайтын көлік;
- Ford F-150 — үздік пикап немесе жол талғамайтын көлік;
- Honda e — үздік электромобиль.
1 / 8
Peugeot 208
Комментариев: 0