Tengrinews.kz хабарлағандай, Toyota Raum оңтүстік астанадағы Райымбек даңғылымен шығыс бағытта қозғалып бара жатқан. «Саудакент» базарына жақындай бергенде, алдынан рұқсат етілмеген жерден жолды кесіп өтпек болған екі жаяу жүргінші шыға келеді, ал «тойота» жүргізушісі көлікті тежеп үлгермеген. Қатты соққыдан ауыр жарақат алған 1975 және 1976 жылғы екі ер адам оқиға орнында мерт болды. Ал рөлде отырған азамат апат орнынан ізін суытқан.
Полиция департаментінің баспасөз қызметі берген ақпаратқа сай, жедел іздестіру шарасы жүргізілген алғашқы сағатта жүргізушінің жеке басы анықталып, ұсталды. Ал көлік Алматы облысына қарасты Өтеген батыр ауылынан табылды. 28 жастағы азаматтың атына ҚР ҚК-нің 345-бабының 4-бөлімі («Көлiк құралдарын басқаратын адамдардың жол жүрісі немесе көлiк құралдарын пайдалану қағидаларын бұзуы») бойынша сотқа дейінгі тергеу жұмыстары жүргізілуде.
Комментариев: 0