Шанхай автосалонында компания электрлі bZ топтамасындағы жаңа өнімін ұсынды. bZ7 индексті көлікті Қытайдағы Toyota-ның инженерлік бюросы мен GAC мамандары бірігіп әзірлеген және ол
Бренд автомобильдің прототипін алғаш рет былтыр Гуанчжоудағы автошоуда таныстырған, бірақ интерьерін енді көрсетті. Салонында жалпақ ортаңғы консоль, екі сымсыз қуаттағыш, медиажүйенің үлкен планшеті және ықшам цифрлық аспаптар панелі бар. Трансмиссия селекторы рөлге ауысқан сияқты. Климаттық жүйені физикалық батырмалармен басқаруға болады.
Электрокар сериялық модель болғанына қарамастан, Toyota әзірге техникалық сипаттамасын жарияламады. Ол ұзындығы бес метрден асатын электромобиль екені ғана белгілі. Жергілікті басылымдар таратқан ақпаратқа сүйенсек, bZ7 Huawei HarmonyOS операциялық жүйесін алатын алғашқы Toyota көлігі атанады. Шатырында лидар тұр, демек, машина жүргізуші көмекшілерінің заманауи кешенімен жабдықталуы ықтимал.
Toyota bZ7 туралы толық мәліметті биыл саудаға шығуға жақын қалғанда өтетін бөлек презентацияда береді.
Комментариев: 0