Мәжіліс депутаттары жаңа Конституцияның қабылдануына орай амнистия жариялау туралы заң жобасын әзірлеп жатыр. Ішкі істер министрінің орынбасары Санжар Әділовтің айтуынша амнистия Әкімшілік құқық бұзушылық туралы кодекстің 58 бабын қамтиды. Билік 500 мыңнан астам азаматтың қарызын кешіріп, 17 млрд теңгеден асатын 1 млн-дай айыппұлдың күшін жояды. Жаңа Конституция қабылданған күнге дейін (2026 жылдың 16 наурызына дейін) төленбеген айыппұлдар амнистияға ілінеді.
Амнистия туралы заң жобасына сәйкес мас болып көлік тізгіндеген, мас адамға көлік жүргізуге рұқсат берген және көлік құралын сапасыз жөндеу және оны пайдалану салдарынан адам зардап шеккен немесе қаза тапқан жол апатына себеп болған адамдар тізімге кірмейді.
Жол ережесін бір жыл ішінде бірнеше рет елемеген жүргізуші жазадан босатылмайды. Мысалы, шығарынды деңгейі жоғары көлік құралын басқару, рұқсат етілмеген жерге тоқтау, жылдамдық асыру, бағдаршамның қызыл түсіне өту, жолаушы тасу ережесін бұзу және т.б.
Комментариев: 0