2018 жылғы сегіз айдың қорытындысы бойынша Қазақстанда 1 094 106 көлік құралы есепке қойылған екен, бұл өткен жылғы жалпы көрсеткішпен салыстырғанда 53 953 данаға көп. Жалпы есептегі алғашқы тіркеудің үлесі аса өзгере қоймаған (2017 6.6 % болса, биыл 6.9 %), ал санды сөйлетер болсақ, бастапқы есепке биыл 75 885, ал былтыр 62 626 көлік қойылыпты.
Жалпы тіркелген көліктердің 38 %-і 20 жастан жоғарғы көліктерге тиесілі ( 423 602). 10 жастан 20 жасқа дейінгі техниканың үлесіне 27.4 % (300 289) тиесілі. 2008-2015 жылдар аралығында шығарылған автокөліктерге қатысты жасалған мәмілелер саны — 266 476 дана (24.3 %). Тіркеуден өткен үш жасқа дейінгі көліктер саны — 102 810.
Елдегі ең танымал көлік атағын Toyota Camry әлі де сақтап келеді, оның үлесіне жасалған әр мәміленің алтыншысы тиесілі. Ал екінші және үшінші орынды Volkswagen Passat пен Golf өзара бөліскен.
2018 жылдың 1 желтоқсанындағы ахуал бойынша, Қазақстан Республикасында барлық типтегі техниканың 4.45 млн данасы тіркелген екен. Есептегі автокөліктердің ең көбі ВАЗ (Lada) — 770 мың. Есепке 450 мың данасы қойылған Toyota екінші орында . Үшінші орын 280 мың данасы тіркелген Volkswagen-ге тиесілі.
Комментариев: 0