Toyota bZ7 Қытайда 14.6 млн теңге тұрады

Былтыр күзде Toyota Қытайда bZ топтамасындағы тағы бір моделін таныстырды. Оны әзірлеуге бренд инженерлерімен бірге GAC, Xiaomi және Huawei мамандары қатысты. Қаңтарда компания bZ7-нің саудаға шығатын күнін және бастапқы құнын жариялады. Бағасы — 200 000 юань (14.6 млн теңге).

1 / 13

• 
• 
• 
• 
• 
• 
• 
• 
• 
• 
• 
• 
• 

1 / 13

Дизайнерлер автомобильдің сырт келбетін батареялы өнімдерге тән стильде жасаған. Көлік Toyota Camry-ден ірі. Ұзындығы — 5130 мм, дөңгелек базасы — 3020 мм.

Салонында ықшам цифрлық аспаптар панелі, алдыңғы әйнекке түсетін проекция, 15.6 дюймдік медиажүйе, екі смартфонға арналған сымсыз қуаттағыш, 23 динамикті аудиожүйе, тоңазытқыш және басқа жабдықтар бар. Барлық электрониканы Huawei HarmonyOS 5.0 операциялық жүйесі басқарады.

Жүргізуші ассистенттерінің кешенін Momenta компаниясы әзірлейді. Ол ақпаратты 5 миллиметрлік радар, 10 ультрадыбыстық сезгек және 11 камерадан жинап, Nvidia процессорымен өңдейді.

bZ7 күштік құрылымы 281 ат күшін береді және CATL батареясынан қуат алады. Аккумулятор сыйымдылығы — 71.35 немесе 88.13 кВт·сағ. Седан 600-710 шақырымды еркін еңсереді.

Машина Қытайдағы автосалондарға биыл наурызда жетеді.