9b4e16317f01e1f7933645ce0174e388e15fb336-1193x671

Toyota америка нарығында көш бастады

General Motors алғаш рет өз елінде екінші орынға ығысуы мүмкін.

GM жарты ғасырдан астам автоөндіріс саласында көшбасшы болғанымен, ол орнынан ертеректе айырылып қалды. Сонау 2009 жылы Toyota технологиялық жағынан да, сатылым саны жағынан да General Motors-ты басып озған. Енді осы жағдай АҚШ-та қайталанып жатыр.

Automotive News-тің хабарлауынша, 2021 жылдың алғашқы үш тоқсанында жапониялық автоөндіруші АҚШ-та 1.858 миллион машина сатты, бұл 2020 жылғы көрсеткішпен салыстырғанда 27.9 %-ға артық. Ал GM қаңтардан қыркүйекке дейін 1.777 миллион көлік өткізді, бұл былтырғы сатылыммен бірдей. Марканың бестселлері —RAV4 (313 мың дана) пен Camry (257 мың).

Toyota-ның табысқа жетуіне микрочип себеп болып отыр. 2011 жылы Жапонияда жер сілкінісі болып, көптеген жеткізу құрылымы құлаған кезде компания басшылығы шетелдік жеткізушілерден қазір аса тапшы болып жатқан борт электроникасы секілді ең маңызды бөлшектерді алып, болашақ үшін қор топтады. Ал қазір микрочип тапшылығы туындаған кезде General Motors жақсы жабдықталмаған машина шығаруға, әрі жағдайдың жақсарғанын күтіп оларды автотұрақта сақтауға мәжбүр (суретте).

Осылайша маңызды компоненттерді шығару міндетін шетелдік контрагенттерге еш ойланбай сеніп тапсырған ірі өнеркәсіптік компаниялар енді соларға тәуелді бола бастады.

Комментариев: 0

Чтобы оставить комментарий, вам необходимо зарегистрироваться или авторизоваться.