Ақпандағы автонарық: Kia Soluto үздік бестікке енді

Биыл қаңтарда автосалондардың саудасы қызып, 2025 жылғы ұқсас кезеңге қарағанда 25 % көп көлік сатқан, ал ақпанда одан 16.1 % төмен болды. Алдыңғы айда 13 399 жеңіл автомобиль және жеңіл коммерциялық техника иесін тапты. Қазақстан автомобиль одағының (ҚАО) есебінше биыл алғашқы екі айдағы сауда былтырғы қаңтар мен ақпандағыдан 1.5 % артық.

Ақпанда жаңа автомобиль нарығында Hyundai көш бастады. Марка автосалондары 2768 машина саудалады, бұл 2025 жылғы осы кезеңдегі көрсеткіштен 31.2 % төмен. Екінші орында Kia тұр (2402). Бұл бір жыл бұрынғыдан 33.1 % жоғары нәтиже. Үздік үштікті Chevrolet түйіндеді (1975 д., — 5 %). Топ-5 тізімге Chery мен Jetour кірді, дилерлер тиісінше 1043 және 808 автомобильдің кілтін тапсырған. Chery-дің саудасы 0.4 % өсіп, Jetour-дікі 30.3 % түсті.

2026 жылғы ақпандағы сауда нәтижесі бойынша үздік 10 марка

Танымал модельдер рейтингінде әдеттегідей Chevrolet Cobalt бірінші тұр. Бір айда 1761 седан өткен. Hyundai Tucson (1744) екінші, Kia Sportage (1278) үшінші сатыға жайғасты.

Үздік үштікке енбеген модельдердің көрсеткіші біршама төмен. Мысалы, төртінші орынға тұрақтаған Changan CS55 Plus-тың 513-і ғана өтті. Бесінші қатарға Kia Soluto (382 дана) орналасты. Бұл седан біздің нарыққа былтыр жыл аяғында шыққан, қаңтарда ондыққа енді.

1 / 10

• 
• 
• 
• 
• 
• 
• 
• 
• 
• 

1 / 10

Екі айдың қорытындысы бойынша Қазақстандағы жаңа автомобиль нарығында Hyundai (5466) алда келеді. Екінші және үшінші жүлделер Kia (5176) мен Chevrolet-ге (4487) бұйырды.

2026 жылғы екі айдағы сауда нәтижесі бойынша үздік 10 марка