Palladium («Палладий») құпия жоба болғандықтан, ол жайлы нақты ақпарат жоқ. Тек оның компаниядағы ең ескі екі көліктің (Model S седаны мен Model X кроссовері) техникалық сипаттамасын барынша жақсартуды мақсат ететіні белгілі. Аталған қос модельге сұраныс болғанымен, артып жатқан жоқ, себебі клиенттер көбіне кейін шыққан Model 3 пен Model Y үлгілерін таңдайды.
Electrec деректеріне сүйенсек, машиналардың ең кемі аккумулятор блоктары мен қозғалтқыштары жаңартылуы тиіс. Одан бөлек, 1.6 млн км жол жүруге не 16 жыл үзіліссіз жүргізуге жететін батареялар орнатылады, ал олардың өзіндік құны анағұрлым арзан болады деген де сыбыс бар.
Кейбір болжамдарда S пен X жаңа шанақ пен өзгертілген күштік құрылымды иеленетіні айтылады. Palladium жобасының қашан толық жүзеге асатыны белгісіз, дегенмен ол жөнінде ең алдымен компания басшысы Twitter арқылы хабарлайтыны анық. Жобаға қатысты алғашқы ақпарат қыркүйекте беріледі деп күтілуде.
Комментариев: 0