Электромобильге иелік ету ақысы орта класты седанға жұмсалатын қаражаттан аз болатыны бұған дейін де айтылған. Ал енді Tesla-ның өзі осыны растап отыр. 2020 жылғы есебінде АҚШ-та Model 3 Standard Range Plus-тің бағасы Audi мен BMW-ның премиум модельдеріне теңескенмен, машинаның күтіміне өзге елдерде кең танымал Toyota Camry-ге қарағанда аз ақша кететіні жазылған.
Қос көлікті салыстырғанда сарапшылар сақтандыру ақысын, бензин мен электр бағасын, бөлшек ауыстыру, техникалық қызмет көрсету және жөндеу құнын есепке алды. Соның бәрін қосқанда бес жылда (96 500 км жол жүрген соң) Tesla Model 3-ке шақырымына 55 цент (150 теңгеге жуық) жұмсалатыны анықталды.
Мұның бәрі АҚШ-та өмір сүретіндерге қатысты екенін айта кеткен жөн. Өзге елдерде нәтиже мүлде басқа болады. Себебі электромобиль алу инфрақұрылымы дамыған, тым болмаса бастапқы кезеңде мемлекет қолдайтын және халқының табысы жоғары мемлекетте тұратындарға тиімді. Сондықтан Қазақстан тұрғындарының басым бөлігі үшін Tesla өнімдері әлі де қолжетімді емес.
Комментариев: 0