АҚШ-та Model Y сатып алған тұрғынның көлік сапасына көңілі толмаған. Алайда ойда жоқта болған оқыс жағдай оның пікірін түбегейлі өзгертті. Тас жолда автономды режимде қозғалып келе жатып, электромобиль ірі тіркемесі бар GMC Sierra 2500 HD-ді басып озбақ болады. Кенет тіркеме «тесла» жаққа қарай сырғи бастайды. Мұны жүргізуші көрмеген, бірақ сезбектер бірден іске қосылып, автопилот жылдамдықты азайтады да, Model Y-ды шетке бұрып, артынша қайта өз жолына түсіреді.
Осыған ұқсас жағдай бұрын да болған. BMW X5 тізгіндеген адам автопилот қосып, оң жақта жүріп бара жатқан Tesla Model 3-ті басып озып, жолын кеседі. Бұл кезде де электроника жұмысын мінсіз атқарып, көлікті соғылудан сақтап қалды.
This is video proves this well! Guy ran me off the road! Safety saved me from a crash! https://t.co/gbkrd7mcBJ pic.twitter.com/DoeOvWbk7F
— Jballer (@jrange33) February 27, 2021
Автомобильді автоматты жүргізу жүйелерінің мүмкіндігі еш күмән тудырмайды, әрі уақыт өте олардың адамнан асып түсетіні анық. Себебі шахмат шеберлерін шаң қаптырған құрылғы үшін көлік тізгіндеу сөз емес. Адамның тек арнайы полигонда машина айдауына рұқсат берілетін күн жақындап қалған сияқты. Бірақ мұндай болашақ көп жүргізушіге ұнай қоймас.
Комментариев: 0