Zeekr шетелдегі машинаны бұғаттамайды

Шілденің ортасында Қытайдан Еуропаға жол тартқан азамат Қазақстан шекарасынан өте сала қиындыққа тап болды. Zeekr 9X-тің кейбір функциясы бұғатталып қалды. Бұл оқиға кеңінен тарала бастаған соң, автоөндіруші жергілікті басылым арқылы жағдайды түсіндіріп, бұғаттау бренд өнімдерін ұрлау не заңсыз шекара асырудан қорғау тәсілдерінің бірі деді.

Дегенмен Zeekr Қытайдағы Weibo әлеуметтік желісінде компания өз саясатын қайта қарап, пайдаланушыларға көбірек еркіндік беретінін хабарлады.

Марка фирмалық мобильді қосымшаға автоматты түрде код жасайтын функция енгізді. Онымен шектеуді алып тастауға болады. Компания процесті жеңілдетіп, техникалық қолдау қызметіне жүгіну қажеттілігін жояды. Алдағы уақытта борттық бағдарламалық жасақтама жаңарған соң, Zeekr иелері шектеуді өздері толықтай өшіре алады.