Көкшетауда ұры ішінде иесі отырған көлікті айдап кеткен

Көкшетау полициясы ерекше қылмыстың жолын кесті. Петропавл тұрғыны кафеден мас күйде шығып, біреудің Changan CS75 Plus көлігін мініп кеті. Ол жолға шыққан бойда тәртіп сақшысына ұсталды.

View this post on Instagram

A post shared by @aqmola_pd

Полиция кроссовердің иесі алдыңғы орындықта ұйықтап жатты дейді. Бейнежазбадан жолаушы қауіпсіздік белдігін тағып отырғанын көруге болады. Ол белдікті өзі тағып ұйықтап қалды ма, әлде автомобильді айдап кеткен адам жүрмей тұрып тақты ма, белгісіз.

Заң өкілдері Қылмыстық кодекстің 200-бабы бойынша іс қозғады. Автомобильдi немесе өзге де көлiк құралын жымқыру мақсатынсыз заңсыз иелену үшін 2026 жылы 1000 АЕК айыппұл (4.3 млн теңге) немесе қоғамдық жұмысқа тарту не бас бостандығын шектеу немесе екі жылға бас бостандығынан айыру жазасы қарастырылған. Құқық бұзушы мас күйде көлік жүргізгені үшін жауапқа тартыла ма, беймәлім.

Полиция жүргізушілерге кілтті оталдыру құлпында немесе салонда қалдырмауға кеңес береді.