Tank Қытайда жаңарған 500-ді көрсетті

Great Wall концерніне кіретін Tank Қытайда арнайы іс-шара өткізіп, 500 индексті автомобильдің жаңарған нұсқасын көрсетті. Модельдің сырт келбеті өзгеріп, салоны жаңарған, бірақ ең басты өзгеріс — борт жабдықтары тізімінің көбеюі. Мұндай Tank 500-дің саудасы тамызда басталады.

1 / 12

В Китае показали обновлённый внедорожник Tank 500

Tank 500 Hi4-Z

1 / 12

Машина жаңа жасыл шанақ түсімен, 20 дюймдік дискілерімен, басқаша ламельдері бар радиатор торымен және фар астындағы қосымша элементтермен ерекшеленеді. Жол талғамайтын көліктің өлшемдері бұрынғыдай.

1 / 17

Салонында трансмиссия селекторы ортаңғы тоннельден рөл жаққа ауысты. Осылайша екі сымсыз қуаттағыш пайда болды. Дегенмен консольде трансмиссия режимін және басқа функцияларды басқаруға арналған физикалық батырмалар блогы қалған. Аспаптар панелі түнде көру жүйесін алды.

1 / 5

Tank 500-дің артқы жолаушыларға арналған төбедегі 17.3 дюймдік экранын сенсорлы панель арқылы, қимылмен, дауыспен немесе смартфондағы арнайы қосымша көмегімен басқаруға болады. Көлік —6-дан +50 градусқа дейінгі температураны ұстап тұратын термобокспен жабдықталады.

Қытайдағы басылымдар Tank 500-дегі ең маңызды өзгерістердің бірі автономды басқарудың үшінші деңгейін қамтамасыз ететін жаңа ассистенттер кешені деп жазды. Сол үшін автомобиль шатырына Hesai компаниясының лидары орнатылған. Автопилоттың бағдарламалық жасақтамасын GWM әзірлеген, ол жүйе Coffee Pilot Ultra деп аталады.

Алғашында Tank 500-дің Hi4-T және Hi4-Z сияқты гибрид түрленімі сатыла бастайды. Біріншісінің сипаттамасы өзгермеген (408 ат күшін беретін екі мотор, автомат қорап және механикалық толық жетек жүйесі), екінші нұсқаның қуаты 864-тен 877 ат күшіне артты. Ол 2 литрлік дәстүрлі қозғалтқыш алды, бірақ толық жетек жүйесі екі электрлі мотор көмегімен жұмыс істейді.

Комментариев: 0