НТК арнасында Марат Оспанов жүргізген «Такси» бағдарламасы көпшіліктің есінде шығар. «Такси» — 2009 жылы шыққан Cash Cab шоуының (Ұлыбритания) қазақстандық баламасы. Бағдарламада жолаушылар жүргізушінің сұрағына жауап беріп, ақша алады.
«Такси» түсірілген Metrocab II көлігі Kolesa.kz сайтында сатылып жатыр. Сол рөлді «Метрокэб» 2.8 миллион теңгеге бағаланып отыр. 1998 жылы жарық көрген ескі машина 21.2 мың шақырым жол жүрген.
Metrocab II-нің салоны әдеттегідей емес. Артқы орындықтардың қаптамасы мен жүргізуші орындығының жоғарғы жағы қызғылт сары түсті. Қосымша жарықтандыру орнатылған. Алдыңғы бөлікте электр жабдықтарды басқаруға арналған арнайы пульт бар. Жүргізушінің жанында экранда көрінбейтін бағдарлама редакторының орны болған секілді.
Metrocab II 2.5 литрлік Ford FSD 425 дизельді агрегатымен (76 а.к.; 170 Нм) жұмыс істейді. Ол 5 сатылы механикамен жұптасады.
Metrocab 1987 жылдан 2006 жылға дейін шығарылған. Машина бірнеше рет жаңарып, Ford моторынан Toyota 2L-T дизельді қозғалтқышына ауысты. Автокөлік Ұлыбританияда ғана емес, Ресейде де жасалды. 1990 жылдардың соңында олар Тушинский автозауытында құрастырылды. Бірақ таралымы өте аз болып, тек 115 данасы өтті. Соның бірін Юрий Лужковтың орынбасары тізгіндеген. Біз дәл сол машина жайлы сөз етіп отырмыз. Бұрын бұл көлік «Таксидің» ТНТ арнасында көрсетілген ресейлік нұсқасында қолданылды.
Комментариев: 0