Land Cruiser 299: «екі жүздіктен» жасалған «үш жүздік»

Land Cruiser 299: «екі жүздіктен» жасалған «үш жүздік»

Kolesa.kz-те өзгеше Land Cruiser 200 сатылады.

Kolesa.kz порталында 1.5 мыңнан аса Toyota Land Cruiser 200 сатылып жатыр. Оның ішінде стандарт машиналар да, шеберлер арнайы өзгерткен көліктер де бар. Мысалы, жаңа «үш жүздікке» ұқсайтын TLC 200-ді айтуға болады.

J тәрізді жүріс шам мен жіңішке жарықдиодты шам, ірі радиатор торы, капот формасы. Автомобильге алдынан қарасаңыз Land Cruiser 300-ге ұқсайды. Бірақ пішіні мен артқы бөлігі машинаның әу бастағы болмысын көрсетіп тұр.

Жол талғамайтын көліктің салонында да тосынсый бар. Өзгерген алдыңғы панель бірден көзге түседі. Үлкен экраны бар медиажүйе мен климат басқару блогы LC 300-ді еске салады. Рөлін де жаңа машинадан, тіпті оның GR Sport нұсқасынан алған.

2011 жылғы машина 258 мың шақырым жол жүріпті. Капот астында 4.5 литрлік дизельді мотор тұр, нұсқасына байланысты 220–235 ат күшін беретін агрегат автомат қорап және толық жетекті жүйемен жұмыс істейді. Сатушы Астанада тұрған 7 орынды автомобильді 27.2 млн теңгеге бағалап отыр.

Комментариев: 0

Чтобы оставить комментарий, вам необходимо зарегистрироваться или авторизоваться.