Kolesa.kz порталында ерекше мотоцикл сатылып жатыр. Ол Sportster топтамасындағы Harley-Davidson, нақтырақ айтқанда XL1200CX Roadster моделі.
«Роудстер» спортстердің спорттық аспа мен мықты тежеуіш орнатылған кафе-рейсер түріндегі нұсқасы. 1.2 литрлік моторы 65 ат күші 94.5 Нм береді.
Бірақ алматылық Roadster стандарт емес. Суреттен оң жағында шағын турбокомпрессор ілулі тұрғанын көруге болады. Ол америкалық мотоцикл әрлейтін Trask компаниясының өнімі. Тюнерлер түрленіміне қарай қуатын 300 дөңгелек күшіне дейін арттыра алады. Ал біз сөз етіп отырған экземпляр 137.6 ат күшіне (160.2 Нм) ие.
Қуаты турбокомпрессордан бөлек, Harley-Davidson-ның Screamin Eagle Stage 4 деп аталатын зауыттық строкерінің арқасында артып отыр. Жинақ басқа цилиндр, поршень және бүріккіш сияқты бірқатар компоненттен тұрады. Соның арқасында агрегат көлемі 1.3 литрге артып, қуаты 121 күшке жетеді.
Хабарландыру авторы Roadster-ге Öhlins аспасын, Thunderbike бұрылыс шамын, Rick’s одометрін және Thunder MAX электронды басқару блогын орнатқанын жазыпты.
Иесі 2000 шақырым жол жүрген мотоциклді 15 млн теңгеге бағалап отыр.
Комментариев: 0