Әлеуметтік желіде майысып қалған Range Rover түсірілген видео тарады. Бейнежазбадан автокөліктің жер үйдің ауласына кіріп кеткенін байқауға болады.
Кейін оқиғаның 2 қаңтарда кешкі тоғыз шамасында Алматы облысына қарасты Бесқайнар ауылына жақын жерде болғаны анықталды. Полиция берген ақпаратқа сүйенсек, жүргізуші рөлге ие бола алмай, машина жолдан шығып кетіп, электр бағанына соғылған, артынша газ құбырын зақымдап, жер үйге қарай ұшып түскен.
Жол талғамайтын көліктегі жолаушы мен жүргізуші ауруханаға жеткізілді. Алайда рөлде отырған азамат ауруханада көз жұмды. Алматы облыстық полиция департаменті Қылмыстық кодекстің 345-бабы, 3-бөлігі (абайсызда адам өліміне әкеп соққан жол апаты) бойынша сотқа дейінгі тергеу жүріп жатқанын хабарлады.
Комментариев: 0