Қайғылы оқиға Германиядағы Хофхайм қаласында болды. Апат болар алдында түсірілген видеодан хаки түсті Lamborghini Aventador S-тің ақ Aventador Roadster және Porsche 911 GT3-пен жарысып, жүйткіп келе жатқанын көруге болады. Bild берген ақпаратқа сүйенсек, Aventador S жүргізушісі рөлге ие бола алмай қалып, бар жылдамдығымен жолдағы қоршауға соғылған, артынша сол маңда келе жатқан Škoda мен Opel жаққа ұшып түседі. Соққыдан Lamborghini мен Škoda өртеніп, чехиялық машинаның жүргізушісі оқиға орнында жан тапсырды.
Жарақат алған 26 жастағы стритрейсер Instagram желісінде Navid Alpha атымен танымал. Ол бірден қамауға алынды. Екінші Lamborghini-ді тізгіндеген адамды полиция іздестіріп жатыр. Неміс басылымы ұсталған жігіттің бұрын да жолда қауіпті жағдай тудырып, заңға қайшы әрекет жасағанын хабарлады.
Дәл осы жағдайда қылмыскердің тиісті жазасын алатынына күмән жоқ. Алайда бұл есірген жігіттің кесірінен жазықсыз мерт болған адамның орнын толтыра алмайды.
Комментариев: 0