Естеріңізге сала кетейік, өткен аптада Швецияның астанасында газбен жүретін автобус жарылған болатын. Оқиға болған сәтте салонда тек жүргізуші отырыпты. Қатты күйіп қалған ол ауруханаға жеткізілген. Сәл кейінірек әлеуметтік желіде қайғылы оқиғаның видеосы пайда болды.
Бейнежазба кадрларынан автобустың тоннельге кіріп бара жатқанын байқауға болады және дәл сол сәтте көлік жарылады. Швециялық БАҚ хабарлағандай, жүргізуші Стокгольм қаласының шығыс бөлігіне бағыт алған, бірақ неге екені белгісіз, ол тиісті бағытын өзгертеді. Шамасы биіктікті шектейтін белгілерге мән бермеген ол автобустың тоннель арқылы өте алмайтынын білмесе керек. Кіре бергенде қоғамдық көліктің төбесіне орнатылған газ баллондар тоннельдің дөңес тұсымен жанасып, нәтижесінде жарылыс болған. Апатқа ұшыраған автобус түгі қалмай өртеніп кетті.
Комментариев: 0