Қазақстанда Chery коцерніне кіретін брендтер көп. Бұл тізімде Exeed, Jaecoo, Jetour, Omoda және Kaiyi бар. Жақында қатарға Soueast қосылады.
Компания біздің елге келеді деген ақпарат былтыр көктемде тараған, қазір автосалонда жергілікті зауыттар құрастыратын модельдер сатылатыны белгілі болды. Көлік құралының типін мақұлдау реестріне екі модельдің құжаты шықты. Олар — Қостанайда жасалатын S07 және S09 кроссоверлері.
Кіші Soueast S07 — Jetour X70 Plus. Ұзындығы — 4724 мм, дөңгелек базасы — 2720 мм. Cалоны екі немесе үш қатарлы.
Soueast S07 жетек түріне (толық немесе алдыңғы) байланысты 186 немесе 190 ат күші бар 1.6 литрлік турбомотормен жүреді. Құжатта беріліс қорабы көрсетілмеген, бірақ Ресейге арналған модификацияны ескерсек, моножетекті нұсқа 7 сатылы роботпен, толық жетектісі 8 сатылы автоматпен жабдықталуы мүмкін.
S09 моделі
Кроссовер 197 ат күшіне ие (375 Нм) 2 литрлік турбомотормен жабдықталған. Құжатта алдыңғы және толық жетекті түрленімі тұр, бірақ беріліс қорабы туралы жазылмаған. Ресейде моножетекті автомобиль 7 сатылы роботпен, толық жетекті көлік 8 сатылы автоматпен сатылады.
Soueast көліктері Қазақстанда қашан саудаға шығатыны әзірге белгісіз. Оның өнімдерін құрастыратын Allur де ресми мәлімдеме жасамады. Бұл іс жыл аяғына дейін жүзеге асады деген болжам бар.
Комментариев: 0