Биыл 22 қыркүйектен бастап белгіленген баға шегінен асқан жағдайда мұнай өнімдеріне салынатын акцизді есептеу тәртібі өзгереді. Қазір өндірушілер көтерме және бөлшек саудада бензиннің бір тоннасы үшін 35 726 теңге, дизельдің бір тоннасы үшін 35 786 теңге акциз төлейді. Бензиннің құны тоннасына 214 584 теңгеден, ал дизельдің бағасы 284 350 теңгеден асып кетсе, акциз өсіп, есеп кезінде 50 % коэффициент қолданылады. Яғни жанармай құны белгіленген шектен асса, акциз бір жарым есе өседі.
22 қыркүйектен бастап акциздің базалық мөлшерлемесі бұрынғыдай қалады, баға шегі де өзгермейді, бірақ бұдан асқан жағдайда бензин мен дизельге салынатын акциздің өзгермелі бөлігі 95 пайызға дейін ұлғаяды. Өндірушілер жанармай бағасын көтерсе, мемлекет қазынасына көбірек қаражат құяды, бірақ олар бұл шығынды жүргізушілерден өндіріп алады.
Kolesa.kz редакциясы компанияның мерейтойына арналған шолуда Қазақстанда сұйық отын бағасы 30 жылда қалай өзгергенін жазды.
Комментариев: 0