Hyundai Tucson Қазақстанда жасалады

Hyundai танымал Tucson кроссоверінің бесінші буынының алғашқы суретін тамыздың екінші жартысында көрсеткен. Машинаның тұсаукесері 2026 жылдың III тоқсанында өтеді. Кореялық автоөндіруші мен Қазақстанның Astana Motors компаниясы жаңа модельді елімізде шығару туралы келісім жасады.

Astana Motors әлі ресми анонс жариялаған жоқ. Компаниядан бұрын Ақорданың баспасөз қызметі ақпарат берді. Hyundai Motor Company мен Astana Motors арасындағы жаңа Hyundai Tucson өндірісі туралы келісім бүгін, 15 қыркүйекте Сеулде өткен ҚР президенті Қасым-Жомарт Тоқаев пен Hyundai Motor Group президенті Сунг Ким кездескенде қол жасалды.

Кроссовер өндірісі қашан басталатыны және модель Қазақстан нарығына қашан шығатыны белгісіз. Бірақ Tucson-ның бесінші буыны Алматыда дәнекерлеу және шанақ бояуды қамтитын ұсақ торапты әдіспен жасалады деп болжауға болады.

Бесінші буындағы Tucson-ның дизайны өзгеріп, көлемі үлкейді. Автомобильдің ұзындығы — 60 мм (4700 мм), дөңгелек базасы — 30 мм (2785 мм), ені — 40 мм (1905 мм), биіктігі — 20 мм (1685 мм) артты. Tucson-ның салоны жаңа Avante-ні (Elantra) еске салады. Hyundai модельдің мотор гаммасына қатысты ақпарат берген жоқ, бірақ ішкі нарықта гибрид күштік құрылым негізгі орынға шығып, дизельді мотор қатардан қалуы мүмкін. Машинанның экспортқа арналған нұсқасы қандай қозғалтқышпен жүретіні әлі белгісіз.