SkyNomad екі модель ұсынады

Шілденің басында Xiaomi автомобиль саласындағы алғашқы суббрендін құрғанын ресми түрде жариялап, N90 индексті кроссовердің ресми суреттерін көрсетті. Бұл модель жаңа брендтің тұңғыш көлігі және компанияның гибрид күштік құрылымын алатын алғашқы өнім болуы керек еді. Дегенмен Қытай Өнеркәсіп министрлігінің деректеріне сүйенсек, N90-мен қатар дизайны ұқсас, бірақ ықшам N70 те жарық көреді.

Skynomad от Xiaomi – две модели вместо одной — Skynomad N70

Сертификат құжатында N70-тің ұзындығы 4960 мм, дөңгелек базасы 2950 мм, салоны 5 орынды деп жазылған. N90-ның ұзындығы — 5285 мм, дөңгелек базасы — 3080 мм. Үлкенірек модельдің салоны 5 немесе 7 орынды. Жаңа өнімдердің салмағы — 2453–2800 кг. Үздік N90-ның салмағы — 3361 келі.

Екі кроссовер де Harbin Dongang (Changan құрамына кіреді) әзірлеген M15DRE индексті 1.5 литрлік бензинді қозғалтқышпен жүреді. Бұл агрегат 152 ат күшін беріп, генератор қызметін атқарады. Базалық N70-те бензинді мотор 52 кВт·сағ аккумуляторды қуаттайды, ал одан энергия алатын артқы осьтегі электрлі қозғалтқыш 285 ат күшіне ие. Мұндай автомобиль 270 шақырым еңсереді. Жалпы жүріс қоры белгісіз.

1 / 11

Skynomad N90

1 / 11

Толық жетекті N70 Max алдыңғы осьтегі қосымша электромотор (136 а.к.) және 76 кВт·сағ батареямен жабдықталады. Соның арқасында электр қуатымен 380 шақырым жүріп өтеді.

N90-ның тек Max нұсқасы бар және дәл осындай толық жетекті гибрид күштік құрылым алады. Салмағы ауыр болғандықтан жүріс қоры 370 шақырымға жетеді.

Компания жабдықтар тізімі мен қосымша опциялар туралы толық ақпаратты машиналар саудаға шығар алдында жариялауы мүмкін. Қазірдің өзінде N90-ның салонын өзгертуге болатыны белгілі. Мысалы, алдыңғы орындықтарды бұруға, үстелшесі бар ортаңғы консольді жылжытуға болады. Клиент көліктің төбесіне шатыр орната алады.

Комментариев: 0