Skyline GT-R R34 662 мың долларға сатылды

Гонконгтағы Contempo Concept автодилері 1999 жылғы Nissan Skyline GT-R Nismo-ны сату бойынша мәміле жасалғанын хабарлады. Спорткарға жаңа мотор қойған екен. CarBuzz басылымы жаңа иесі темір тұлпар үшін 1.5 миллион доллар береді деп болжады, ал соңғы буындағы жағдайы жақсы Skyline GT-R әлдеқайда арзан тұрады екен.

1 / 7

• 
• 
• 
• 
• 
• 
• 

1 / 7

Купе әйгілі RB26DETT-ді сақтап қалған, алайда түпнұсқа мотор орнын Nismo әзірлеген су жаңа агрегат басты. RB26-ны мамандар N2 жарыс блогында құрастырып, заманауи турбокомпрессор және бірнеше жаңа компонентпен жабдықтаған.

Қозғалтқыш бойындағы 450 аттың күші қазір таңғалатын көрсеткіш емес, бірақ шеберлер оның төмен берілістегі тартым күшіне көбірек мән беріпті. Агрегат 6 сатылы механикамен жұмыс істейді, оны да біршама жақсартқан.

GT-R одометрі 0 км көрсетіп тұр. Сатушы автомобиль Clubman Race Spec бағдарламасының бір бөлігі екенін жазған. Оған сай Nismo ескі модельдерді түрлендіреді. Нақты мәлімет болмаса да, біз сөз етіп отырған GT-R CRS қозғалтқыштан бөлек жаңа аспа мен Brembo тежеуіштерін алған сияқты. Шанағын Midnight Blue түсіне бояп, фирмалық бодикит тағыпты.

1 / 6

• 
• 
• 
• 
• 
• 

1 / 6

Гонконг тұрғыны автомобиль үшін 662 мың доллар санап берді. Жергілікті заң бойынша спорткар жаңа саналады, сондықтан 115 пайыз салық төлеуге тура келеді. Иесі машинаны сол елде есепке қойса, тағы 850 мың доллар шығындалады. Нәтижесінде айрықша GT-R соңғы буын өкілдері арасында ең қымбат модель атануы мүмкін. Ал Contempo Concept тапсырыс бойынша Nismo тағы үш GT-R R34 CRS құрастырып жатқанын мәлімдеді.