Škoda Epiq Еуропа нарығына шығады

Škoda анонс жасаған сәттен екі жыл өткен соң батареялы Epiq көптеп өндіру кезеңіне өтті. Көліктің экстерьері Modern Solid дизайн стилін көрсетеді, онда дәстүрлі радиатор торы жылтыр қара панельге орын берген. Жіңішке жарықдиодты күндізгі шамдар мен негізгі матрицалық фар Т тәрізді орналасқан, бамперінде ірі тік ойықтар мен қорғаныш қаптамасы бар, соның арқасында шағын машина сәл қатал көрінеді.

Инженерлер MEB+ платформасын барынша тиімді пайдалануға тырысқан. Электрлі мотордан бас тартқандықтан, 4.17 метрлік көліктің жүсалғышында 475/1344 литр бос кеңістік қалды. Клиенттер 30, 40 және 55 индексті үш нұсқаның бірін таңдайды. Алғашқы екеуі литий-ион-фосфатты аккумулятор (37 кВт⋅сағ) мен 114 не 133 ат күшіне ие агрегат алады және ары кетсе 305 км жүреді.

1 / 11

• 
• 
• 
• 
• 
• 
• 
• 
• 
• 
• 

1 / 11

Флагман саналатын Epiq 55 никель-марганец-кобальтты батареямен (52 кВт⋅сағ) жабдықталады. Капот астындағы 208 ат күшін беретін қозғалтқышпен 438 шақырымды еркін еңсереді. Үш нұсқаның қуат алу қарқыны да әртүрлі: 50, 90 және 105 кВт. Сыйымды батареяны 10-нан 80 %-ға дейін толтыруға 25 минут кетеді.

1 / 14

• 
• 
• 
• 
• 
• 
• 
• 
• 
• 
• 
• 
• 
• 

1 / 14

Epiq-тің бес орынды салоны брендтің басқа модельдеріне ұқсайды. Алдыңғы панельде 13 дюймдік планшет пен екі шабақты рөл орналасқан, ортаңғы дефлектордың астында батырмалар жайғасқан пернетақта тұр. Есік қапталына қолшатыр қойыпты. Travel Assist 3.0 ассистенттер кешені 2+ автономды басқару деңгейін қамтамасыз етеді, ол көлікті жолақта ұстап, жылдамдығын реттейді және адамның көмегінсіз тұраққа тұрады.

Еуропада Škoda Epiq Essence 35-тің бағасы 25 900 еуродан басталады. Шағын кроссоверлер сегментінде одан бөлек Kia EV2, Renault 4 E-Tech, BYD Atto 2 және MG S5 бар. Volkswagen-нің бір платформаға негізделген Volkswagen ID. Cross, Cupra Raval модельдері де осы санатқа кіреді.