Күдікті төрт ай бойы таңғы төрт пен алты аралығында ұрлық жасаған. ҚР ІІМ-нің ресми өкілі Нұрділдә Ораз хабарлағандай, қылмыскер қалаға кешкі 20:00 шамасында келіп, үй аулаларынан дабыл белгісі жоқ Daewoo Nexia іздейді.
«Қылмыстық іздеу қызметінің мамандары ұрлықтың егжей-тегжейін біртіндеп анықтады. Тергеу барысында сол маңдағы тұрғындардан сұрау алынып, камераға жазылған материалдар тексерілді. Соның нәтижесінде болған жайттың хронологиясы жасалды. Қылмыстың бәрін бір адам жасағаны анықталды», — деп мәлімдеді мекеме өкілі.
Оның сөзінше, қаскөйді криминалды полиция қызметкерлері Шымкенттегі Әл-Фараби ауданынан тапқан. Қылмыскер машиналарды темір сызғышпен ашыпты. Көлік ішіне кіріп, от алдыру тетігін бұзып, моторды қосқан да, Daewoo-ны қауіпсіз жерге жеткізген. Онда көліктің нөмірін шешіп, ресейлік жалған нөмір орнатқан. Қазір ұрланған алты машина тәркіленіп, иелеріне қайтарылды. Екі көлікті бөлшектеп сатып жіберіпті. Тағы үшеуін полицейлер іздеп жатыр. Күдікті уақытша ұстау абақтысында отыр. Оның кінәсі дәлелденсе, бар мүлкі тәркіленіп, екіден жеті жылға дейін түрмеге қамалады.
Комментариев: 0