Оtyrar.kz хабарлағандай, жол-көлік оқиғасы 17 ақпан күні 12:38-де Бәйдібек би көшесінде болды. «Гелиос» ЖШС-не тиесілі КамАЗ Бозарық тұрғын алабына жақын маңдағы жолда бағытынан тайған. Көлік алдымен жол жиегіне шығып, артынша арыққа түсіп кетеді.
Апат салдарынан цистернадағы 23 тонна АИ-95 ағып кетті. Оқиға орнына төрт өрт сөндіру көлігі, екі полиция жасағы мен жедел жәрдем жетіп, жол жабылды. Абырой болғанда, сұйық отын тұтанбаған. Апаттан зардап шеккендер жоқ.
2019 жылдың сәуірінде Қытайда осыған ұқсас апат салдарынан күшті жарылыс болған еді.
Комментариев: 0