Биыл қаңтардың аяғында Көлік министрі Нұрлан Сауранбаев асфальт жабынынан бас тартып, сапалы қиыршық тас жолдарға басымдық беріп, шағын елді мекендерге апаратын кірме жол салу тәсілін қайта қарауды ұсынды. Министрдің айтуынша шағын ауылдардың арасын жалғап жатқан жолдардың жалпы ұзындығы 35 мың шақырым шамасында. Бұл бөліктерге жауапты әкімдіктер асфальт салуға тырысады. Мұндай төсемнің құны қиыршық тас жолдан 6–10 есе қымбат. Атқарушы органдар құрылысты бастайды, бірақ кей жағдайда тіпті қиыршық тас төсеуге қаражат жетпей қалады.
Үш апта өткен соң Көлік министрлігі «Облыстық және аудандық маңызы бар кірме автомобиль жолдарын салу, қалпына келтіру және жөндеу кезінде асфальтбетон және цементбетон жабындарын қолдануға уақытша шектеу енгізу туралы» бұйрық жобасын әзірледі. Ведомство жол жабынын таңдағанда елді мекендегі тұрғын саны мен көлік қозғалысының бір тәуліктегі орташа қарқынын негізге алуды ұсынды. Елді мекенде адам саны 500-ден аспаса немесе жолмен тәулігіне 500-ден аз көлік жүрсе, мамандар балама шешімге басымдық береді.
Министр түсіндіргендей, жыл бойы көлік қатынасын қамтамасыз ету үшін қиыршық тас, ұсақ тас және жақсарған топырақ, сонымен қатар топырақ тұрақтандырғыш, техногенді-минералды қалдықтар, тұтқыр, бекіткіш қоспалар және сәйкестік бағалауынан өткен жергілікті жол-құрылыс материалдары қолданылады. Билік автомобиль жолдары саласындағы нормативтік-техникалық құжатта аталған басқа құрылымдарды да қолдануға рұқсат етеді.
Стратегиялық және әлеуметтік маңызы бар объектілерге, соның ішінде денсаулық сақтау, білім беру, тіршілікті қамтамасыз ету және қауіпсіздік объектілеріне апаратын жолдарға, сонымен қатар халықаралық және өңіраралық көлік дәліздерін құру үшін не жеке инвестицияға салынатын жолдарға қиыршықтас төселмейді.
Бұйрық 2026 жылдың аяғына дейін күшінде болады.
Анықтама ретінде: 2023 жылы Ұлттық экономика министрлігі Қазақстанда 2700 шағын ауыл бар, оның бес жүз қырығында
Комментариев: 0