Таудағы танымал көлге апаратын жолға асфальт төсеу қажет екені бұрын бірнеше рет айтылған. Жергілікті билік бұл жұмысты былтыр бастауды жоспарлаған еді, алайда іс 2025 жылға қалды.
Inform.kz мәліметінше Алматы облысы Кеген ауданы әкімдігі 12 км жолдың 10 шақырымын қамтитын жоба әзірлегенін хабарлады. Бұған қоса Қайыңдыда жеке инвестордың қаражатына автотұрақ салынады. Құжатты мәслихат қарап жатыр. Ол биыл жүзеге асуға тиіс. Құрылыстың жалпы құны — 2.5 млрд теңге. Билік болашақта көлге электр желісін тартпақшы, бірақ жоба әлі дайын емес.
2023 жылы Қайыңды көліне баратын автожолды абаттандыру үшін жергілікті бюджеттен 1.5 млрд теңге бөлу жоспарланған еді. Бұл қаржыға шенеуніктер Саты ауылында туристік автобустар мен жеңіл көліктерге арналған тұрақ салып, туристерді көлге дейін электрокармен тасымалдап, велосипед пен электрсамокатқа арналған жолақ салуы керек болған.
Комментариев: 0