Сенаторлар «Жол жүрісі туралы» заңға өзгеріс пен толықтыру енгізу жобасын екінші оқылымда мақұлдады. Құжат мопедті тіркеуге міндеттейді. Оны жүргізу үшін А1 санатындағы жүргізуші куәлігін алу қажет. Егер А және В санатындағы куәлігіңіз болса, мопед басқаруға рұқсат беріледі.
Тағы бір маңызды өзгеріс — орташа жылдамдықты есепке алу, яғни, халықаралық және республикалық маңызы бар автомобиль жолының ұзындығын машина жүріп өткен уақытқа бөлу арқылы көлік жылдамдығын есептейді. Орташа жылдамдық қала жолдарында қолданылмайды.
Сондай-ақ мас болып рөлге отырғаны үшін жүргізуші куәлігінен айырылған азамат 7 немесе 8 жыл бойы жүргізуші куәлігін алуға емтихан тапсыра алмайды.
Енді техникалық тексеріс операторы жұмыс істеу үшін ресми рұқсат алуға міндетті болады.
«Мопедті мемлекеттік тіркеу және техникалық тексеріс операторының қызметін заңдастыру жөніндегі норма Заң ресми жарияланған соң алты айдан кейін күшіне енеді», — делінген сенаторлар мақұлдаған заң жобасында. Құжатқа президенттің қол қоюын күту ғана қалды.
Комментариев: 0