17 қаңтарда мәжіліс депутаттары «Қазақстан Республикасының кейбір заңнамалық актілеріне экологиялық таза көлікті насихаттау және электромобиль инфрақұрылымын дамыту бойынша өзгеріс енгізу туралы» заң жобасын мақұлдады.
Бұл құжат алғаш рет 2022 жылғы желтоқсанда жарияланған, ол «ҚР сәулет, қала құрылысы және құрылыс қызметі туралы», «Автомобиль жолдары туралы», «Автотранспорт туралы», «Ерекше қорғалатын табиғи аумақтар туралы» және «Жол қозғалысы туралы» заңдарға өзгеріс пен толықтыру енгізуді көздейді.
Жоба «электромобиль» және «гибрид автомобиль» және «қуаттау бекеті» ұғымын тиісті заңдарға енгізуді ұсынады. Ол бойынша жол салған кезде қуаттау бекетін орнатуды міндеттейтін талап енгізу, жеке мемлекеттік органға қуаттау бекетін орнату туралы шешім қабылдау өкілеттігін беру, сондай-ақ тұрғын үйде қуаттау орнын жобалау, орнату және техникалық пайдалану ережесін әзірлеуге болады.
Қуаттау бекетін ерекше қорғалатын аумақтарға, орталық электрмен жабдықтау желісіне қолжетімді жерге орнату қажет.
Құжат инфрақұрылымға ғана қатысты емес. Онда мына стандарттар да бар:
- электромобильге арналған орынға қарапайым машина қойғаны үшін айыппұл салу;
- электромобиль мен гибридке қоғамдық көлік жолағымен жүруге рұқсат беру;
- электромобильді ақылы тұраққа тегін қоюға мүмкіндік беру.
Әу бастағы жобада электромобильге арнайы жасыл нөмір тағу жоспары болған. Мәжіліс мақұлдаған заң жобасына бұл норма неге енбегені белгісіз.
Комментариев: 0