Кейінгі екі жылда Алматыда қаптап кеткен мопедшілер көбіне шлемсіз жүреді. Күн ыстық болғандықтан шығар деп топшылауға негіз жоқ, өйткені қыста да басын қорғап жүргендерді сирек көреміз.
Видеоға түскен жағдай олардың ойын өзгертіп, өз өміріне жауапты қарауға ықпал етуі мүмкін.
Бразилия қалаларының бірінде мопедші қиылыстан шыға келген автобусқа соғылмас үшін қос дөңгелекті көлігін күрт тежеуге мәжбүр болады. Бұл әрекеті сәтті болмай, жүргізуші машина астына түскенде, ауыр техниканың артқы дөңгелегі басын мыжып кете жаздады.
NASCEU DE NOVO ? pic.twitter.com/aPxmeE3rgS
— Penha News RJ 2.0 (@PenhaNewsRJ) July 18, 2022
Абырой болғанда тұрғынның басындағы жұп-жұмыр шлем дөңгелектен сырғып кетуіне сеп болды, оған қоса ауыр салмаққа барынша шыдас берген. Қорғаныс құралы сынып қалғанмен, мопедшінің басын аман сақтап қалды.
Апат болған кезде жігітке сәттілік серік болғанына күмән жоқ. Бірақ шлем болмаса, оқиға қайғылы аяқталар еді.
Комментариев: 0