Оқыс оқиға 24 ақпанда Санкт-Петербург қаласындағы Нева даңғылында болған. Жаяу жүргіншілер жолына ыршып түскен BMW X6 кроссовері бір топ адамды қақты. Апат салдарынан екі кісі көз жұмды. Олардың бірі АҚШ азаматы екен. Тағы үш адам ауруханаға жеткізілді.
ІІМ хабарлағандай, көлік жүргізушісі оқиға орнынан кетпеген. Оның үстінен РФ ҚК-нің 264-бабының 6-тармағы (" Мас күйінде көлік құралын жүргізген адамның абайсызда екі немесе одан да көп адамның өліміне әкеп соққан жол ережесін бұзуы") бойынша қылмыстық іс қозғалды. Сонымен қатар, автокөлік рөлінде болған адамның жүргізуші куәлігі болмаған деген ақпарат бар. Ол көлік басқару құқығынан 2018 жылы қараша айында айырылған екен.
Комментариев: 0