Автомобильді «Кибер-Балтъ» деп атаса әлдеқайда жарасымды болар еді.
12 сағат бұрын||620
Авторы: Манас ИксановФото: «Автопоток»
«Руссо-Балт» автомобильдерін 1909–1919 жылдары Рига мен Петербургтегі вагон жасайтын Орыс-Балтық зауыты құрастырған. Жалпы алты жүзден аса машина жарық көрді. Бейбіт күнде жайлы фаэтон мен ландо, соғыс кезінде жүк көліктері мен брондалған автомобильдер конвейерден түсті.
Патша дәуірінен қалған брендті жаңғырту жобасы күтпеген форматта жүзеге асты. Пермь қаласында орналасқан «Руссо-Балтъ» компаниясы нарыққа алғашқы моделі — электрлі фургонды шығаруға дайындалып жатыр.
Жаңа өнімнің кабина пішіні мен бас оптикасы Tesla Cybertruck-ты еске салады. Тот баспайтын болатты дәнекерлеу арқылы жасалған шанағы да америкалық пикапқа ұқсайды. Прототип жолда көзге түскен соң «Автопоток»телеграм-арнасы кәсіпорын директоры Виктор Некрасовтан қысқаша сұхбат алды.
«Руссо-Балтъ» прототипі
Әңгіме барысында «Руссо-Балтъ» 200 ат күшіне ие мотормен жүретіні және алдыңғы жетекті екені анықталды. Батарея сыйымдылығы — 115 кВт·сағ, жүріс қоры — 400 км. Жылдам қуаттау мүмкіндігі бар. Фургон 1000 келі жүк көтере алады. Оны В категориялы жүргізуші куәлігімен басқаруға болады.
Марканы пайдалануға заңды түрде рұқсат алдық деген директор қазір сертификаттау процесі жүріп жатқанын растады. Электрофургон тапсырыс бойынша жасалады, бағасы 6.5 млн рубльден (42.5 млн теңге) басталады. Алғашқы экземплярлар 2027 жылы қаңтарда клиенттердің қолына тиеді.
Комментариев: 0