АВТОВАЗ жаңа модельдердің өндірісін екі жылға шегерді

АВТОВАЗ жыл басында уәде еткен жаңа минивэнін шығармайды. Кәсіпорын басшысы Максим Соколов «РИА Новости», агенттігіне берген сұхбатында автомобиль әзірлеу қарқынына нарықтағы жағдай тікелей әсер етеді және қазір бұл бағытта жұмыс істетудің мәні жоқ деді. Инсайдерлердің мәліметінше басқа екі жоба кейінге қалды.

АВТОВАЗ жыл басында минивэннің дизайнерлік макетін көрсеткен. B-Van деп аталатын модель Azimut кроссоверіне ұқсайды. Компания B-Van жарық көргенде техникалық сипаттамасы туралы ақпарат бермеді. Машинаның салоны үш қатарлы болатыны ғана белгілі, техникалық жағынан Lada Vesta платформасына негізделеді.

ВАЗ-2120 және «Лада Надежда» сияқты модельдер жасап, алғашқы вэнін шығармақшы болған. Зауытта мыңдаған серияға дейінгі көлік жиналғанына қарамастан, конвейерге тұрмады.

1 / 8

• 
• 
• 
• 
• 
• 
• 
• 

1 / 8

Компания B-Van-ді 2026 жылы көрсетіп, 2027 жылы құрастыруы керек еді. Максим Соколов нарықтағы жағдай жаңа модель ұсынуға мүмкіндік бермейтінін, сегмент шағын екенін айтты. Кәсіпорын экономикалық жағдай көлікті толық саудаға шығаруға ыңғайлы болып, нарық жанданғанда жобаны қайта қарайды. Кәсіпорын басшысы жаңа өнімді әзірлеу процесі тоқтамағанын атап өтті.

Марка болашағы бар модельдер жобалап жатыр. Бұрынғы дерекке сәйкес олардың қатарында Lada Granta платформасына негізделген жаңа универсал және кең Niva Travel бар. Бренд оның артқы бөлігін ұзартып, қосалқы дөңгелекті жүксалғыш бөлімінің астына қоймақшы. «Русский автомобиль» телеграм-каналының дереккөздері АВТОВАЗ болашағы зор деп сенген бүкіл жобасының мерзімін екі жылға шегергенін хабарлады. Демек, Lada топтамасы 2029 жылы кеңеюге тиіс.