Ресей билігі теңіз жағасындағы тұрғындар үшін тосын сый жасауды ұйғарды. Шұғыл шақыру жүйесін қосу қажеттігінсіз оң рөлді көліктерді Қиыр Шығысқа кіргізуге рұқсат берілмек. Бұл жөнінде премьер-министр Дмитрий Медведев Приморье губернаторының қызметін уақытша атқарушы Олег Кожемякомен және президенттің Қиыр Шығыс федералдық округіндегі уәкілетті өкілі Юрий Трутневпен болған кездесуінде мәлімдеді.
Техниканы шеттен әкелудің нақты шарттары әзірше айтылмады, тек белгілісі бұл жеңілдіктер уақытша болуы тиіс. Сонымен қатар, бір жыл ішінде жеке қолданыс үшін тек бір автокөлік әкелуге болады деген сияқты шектеулердің болу мүмкіндігі де жоққа шығарылмайды. Тиісті құжаттарға өзгеріс енгізуді жақын арада жүзеге асыру жоспарлануда.
Атап өтерлік бір жәйт, қазіргі таңда Приморье жеріне әлден-ақ SOS батырмасы жоқ көліктерді жеткізуге болады, тек бір шартпен — шұғыл әрекет ету жүйесінің жеңілдетілген түрін сол жерде орнату керек және регламенттелген краш-тесттерден өтудің еш қажеті жоқ. Аталған жүйені орнату құны 30 мың рубльді құрайды. Дегенмен, сол терминалдардың жұмысына қатысты сұрақтар аз емес.
Комментариев: 0