РФ ІІМ биыл тоғыз айда жол апатына кінәлі жүргізушілердің статистикасын жариялады. 3070 жол-көлік оқиғасына ТМД елдерінен келгендер кінәлі екен. Бұл тізімде ең аз кездесетін Эстония мен Литва азаматтары, ал көш басында 797 жол апатын жасаған Өзбекстан, Қырғызстан (701), Тәжікстан (599), Әзірбайжан (282), Армения (280) тұр. Ал біздің елдің азаматтары 121 жол апатына кінәлі деп танылған.
Бұл жағдайдың бірнеше себебі бар. Ең алдымен, бұрынғы КСРО құрамында болған елдерден келетіндер көп. ІІМ миграция басқармасының дерегінше, 2020 жылғы тоғыз айда 4.15 млн Өзбекстан және Тәжікстан азаматы (шетелдіктердің 54 %-ы) есепке алынды. Статистика бойынша, қырғыздар қоғамдық көлік жүргізгенді құп көрсе, өзбектер мен тәжіктер көбіне жүк көлігін тізгіндеп, құрылыс алаңында қызмет етіп, қоқыс тасумен айналысады. Ақша табу үшін мигранттар демалу және еңбек ету режимін сақтамай, 14-16 сағат тынбай жұмыс істейді, апатқа түсу жиілігіні мұнымен де байланысты.
Жүргізуші даярлау орталығының бас сарапшысы Александр Лыткиннің сөзінше, Орта Азияда жүргізуші дайындау деңгейі Ресейден әлдеқайда төмен.
Комментариев: 0