Ірі өндірушілер биыл желтоқсанға дейін утиль алымын төлеуден босатылғанын 16 мамыр күні РФ Өнеркәсіп және сауда министрлігі хабарлады. Бұған дейін жұмысшы саны 5 мыңнан асатын компаниялар ғана жеңілдік алған еді. Бұл шара нәтиже бермеді, өйткені елде 5 қана алпауыт өндіруші бар. Содан билік тізімді толықтыру жөнінде шешім қабылдады, енді мемлекет министрлікпен арнайы келісімшартқа отырған автоөндірушілерді де қолдайды.
Санкция салдарынан Ресейде бірнеше автоконцерн жұмысын тоқтатты, ал 16 мамырда Renault Group активтері мемлекет меншігіне өтті. Ел билігі қазір ұлттық компаниялардың жағдайын жақсартуды жоспарлап отыр.
Ресейде утилизациялық алым 2012 жылы күшіне енген. 2014 жылға дейін алымның бұл түрін тек импорттаушылар төлейтін, 8 жыл бұрын бүкіл автоөндіруші үшін міндетті болды.
Комментариев: 0