Mythos топтамасындағы алғашқы Mercedes-Benz қандай болады

Mercedes-Benz Монако Гран-приі қарсаңында екі жыл бұрын таныстырған аса сәнді Mythos топтамасының алғашқы моделін көрсетті. Марка Mercedes-AMG PureSpeed деп аталатын суперкарды концепт ретінде ұсынып отыр, ол сериялы өндіріске 2025 жылы шығады, мұндай машинаның 250 данасы ғана жарық көреді.

Дизайнерлер Mercedes-AMG SL кабриолетін негізге ала отырып оның имиджін толықтай өзгертті. PureSpeed-тің алдыңғы жағы Mercedes-AMG One-ға ұқсайды, бірақ бампердің ауатартқышы басқа AMG моделін еске салады, ал жарық техникасы стандарт күйінде қалды. Бортында аэродинамикалық жапсырма, артқы жағында жаңа диффузор пайда болады.

1 / 16

• 
• 
• 
• 
• 
• 
• 
• 
• 
• 
• 
• 
• 
• 
• 
• 

1 / 16

Кабриолетте алдыңғы әйнек пен артқы орындық болмайды. Екінші қатар орнында спайдерге тән «өркеш» бар, әзірлеушілер ол заманауи модельдерге емес, 1995 жылы Стирлинг Мосс Milel Miglia-ны жеңіп алған 300 SLR-ге ұқсайтынын айтты. Концептінің түсі де өткен кезеңді еске салады. Марка жарысқа арналған Mercedes-ті алғаш рет осыдан 100 жыл бұрын Targa Florio бәйгесі үішн қызыл түске бояған.

PureSpeed жүргізушісін желден қарапайым күнқағар қорғайды. Дизайнерлер қауіпсіздік үшін креслолар арасына қалқан орнатқан. Әрібір сериялы спайдерге нақты экземплярдың стилінде жасалған екі шлем қоса беріледі.

Эксклюзив суперкардың интерьері мен техникалық сипаттамасы туралы ақпарат жоқ. Mercedes-AMG PureSpeed жаңарған аспамен жабдықталады деген болжам бар. Күштік құрылымы өзгермеуі мүмкін, стандарт AMG SL 63-тің ең экстремал нұсқасы жалпы 816 ат күшіне ие 4 литрлік V8 және екі электромотормен жүреді. Машина алғашқы жүздікті 2.9 секундта еңсереді.

Mercedes-Benz Mythos топтамасындағы модельдердің басты артықшылығы шектеулі тираж бен шексіз дербес мүмкіндіктер екенін атап өтті, соның арқасында әр автомобиль бірегей болады. Сериялы PureSpeed кем дегенде жарты миллион еуро тұратын шығар.